2022-ci ilin yanvar-dekabr ayları üzrə Gəncə şəhərində əsas kapitala yönəldilmiş investisiyalar və tikinti müəssisələrinin fəaliyyəti vəziyyəti haqda məlumat paylaşılıb. Bu haqda 9 fevral tarixində Gəncəpost.info-ya istinadən xəbər veririk.
Ötən il əsas kapitala 113,0 milyon manat məbləğində vəsait yönəldilmişdir. Əsas kapitala yönəldilmiş vəsaitlərin 62,4 %-i dövlət, 37,6 %-i isə qeyri-dövlət mülkiyyətinə məxsus olmuşdur. Əsas kapitala yönəldilmiş vəsaitlərin 103,7 milyon manatı və ya 91,8 faizi bilavasitə tikinti-quraşdırma işlərinin yerinə yetirilməsinə sərf olunub.
2022-ci ilin yanvar-dekabr aylarında fəaliyyət göstərən tikinti müəssisələri və fərdi sahibkarlar tərəfindən yerinə yetirilmiş tikinti işlərinin dəyəri 38,3 milyon manat təşkil etmiş və ümumi tikinti işlərinin 27,1 milyon manatını, yaxud 70,8 %-ni hüquqi şəxslərin gördüyü işlər, 11,2 milyon manatını və ya 29,2 faizini isə fərdi sahibkarlıq fəaliyyəti ilə məşğul olan fiziki şəxslərin gördüyü işlər təşkil edib.
