Gəncədə yeni zavodun tikintisi planlaşdırılır. Bu haqda 4 fevral tarixində “AzerGold” QSC-yə istinadən məlumat veririk.
“AzerGold” QSC-nin idarə heyətinin sədri Zakir İbrahimovun sözlərinə görə, “AzerGold” tərəfindən təsis edilmiş törəmə cəmiyyət – “AzerBlast” MMC sənaye əhəmiyyətli partlayıcı maddələrin istehsalı üzrə zavodun qurulması layihəsinin icrası istiqamətində işləri sürətlə davam etdirir.
O, istehsal gücü 31 min ton sənaye partlayıcısı olan zavod üzrə Gəncə şəhərində cari ildə tikinti işlərinin başlanılması və yekunlaşdırılmasının planlaşdırıldığını bildirib. Zavodda istehsalat ekoloji norma və qaydalara uyğun təşkil ediləcək.
