Gəncədə Təhsil Nazirliyi tərəfindən keçirilən layihənin daha bir mərhələsi başa çatıb. Bu haqda 28 yanvar tarixində Gəncə şəhər Təhsil İdarəsi məlumat paylaşıb.
Dünən "Düşünən oxucu" müsabiqəsinin şəhər mərhələsi yekunlaşıb. Turnirdə məktəblərin hazırladığı 44 videotəqdimat izlənilib. Seçim öncədən müəyyən olunmuş meyarlar üzrə aparılıb.
Layihə çərçivəsində şagirdlər "Oxu ədəbiyyatı siyahısı"nda bir əsəri oxuyaraq videotəqdimat hazırlamalıdır. Maksimum vaxt 5 dəqiqə təşkil edir. Videoda məktəbli seçdiyi əsərin mövzu və ideyasını təhlil edərək ona təsirini dəyərləndirməli, "Bədii qəhrəmanın yerinə olsa idim, nə edərdim?", "Əsərin müəllifinə hansı sualları verərdim?", "Niyə bu kitabı oxumağı həmyaşıdlarıma məsləhət bilirəm?" suallarından ən azı birinə cavab verməlidir.
