Gəncədən Rusiyanın iki şəhərinə reyslər açılır. Bu haqda Gencexeber.az 22 fevral tarixində məlumat verir.
“Azərbaycan Hava Yolları” QSC (AZAL) Gəncədən Moskva və Sankt-Peterburqa uçuşlar üçün aviabilet satışına başlayır. Aviaşirkətin Bakı - Moskva - Gəncə - Moskva - Bakı marşrutu üzrə ilk reysi martın 17-də həyata keçiriləcək. AZAL bu istiqamətdə həftədə iki dəfə - bazar ertəsi və cümə günlərində uçacaq.
Bakı - Sankt-Peterburq - Gəncə - Sankt-Peterburq - Bakı reysi isə 19 martdan açılır. Uçuşlar həftənin bazar günləri həyata keçiriləcək.
Aviaşirkətin rəsmi www.azal.az saytında uçuş cədvəli haqqında daha ətraflı məlumatla tanış olmaq və reyslərə aviabiletləri əldə etmək mümkündür.
