Gəncədə üç ev yanaraq kül olub, bir nəfər tüstüdən zəhərlənib. Bu haqda 14 iyun tarixində Fövqəladə Hallar Nazirliyinə istinadən xəbər veririk.
Dünən axşam saatlarında Poçt qəsəbəsində ümumi sahəsi 96 kvadratmetr olan birmərtəbəli 3 otaqlı evin yanar konstruksiyaları, bitişik ümumi sahəsi 34 kvadratmetr olan talvar, bitişik ümumi sahəsi 130 kvadratmetr olan birmərtəbəli 4 otaqlı evin çardağı 40 kvadratmetr və ümumi sahəsi 105 kvadratmetr olan birmərtəbəli 4 otaqlı evin yanar konstruksiyaları 60 kvadratmetr olan çardağın 20 kvadratmetr sahəsi yanıb.
Hadisə nəticəsində 1 nəfər tüstüdən zəhərlənib.
Faktla bağlı araşdırma aparılır.
