Gəncədə aztəminatlı ailələrə müxtəlif növ hüquqi yardım göstərilib. Bu haqda Gancapost.info-ya istinadən məlumat veririk.
"Benefisiar Hüquqi Yardım Mərkəzi"nin hüquqşünasları sözügedən qrupa aid vətəndaşların problemlərini öyrəniblər. Onlar tərəfindən 15-dən çox sakinə müvafiq məsləhətlər verilib və uyğun sənədləşdirmə işləri aparılıb.
Qeyd edək ki, "Benefisiar MMC" 2014-cü ildə təsis edilib. Məqsəd vətəndaşlara hüquq xidmətlər və hüquqi yardım göstərmək, onları hüquqları ilə bağlı maarifləndirməkdir.
