Gəncədə yanğın baş verib. Bu haqda Gencexeber.az-a dekabrın 21-i məlumat daxil olub.
Hadisə şəhərin "Köhnə Avtovağzal" adlanan ərazisində, "Büllur" şadlıq sarayının yanında qeydə alınıb. Yanğın sözügedən ünvanda yerləşən mağazanın 2-ci mərtəbəsində baş verib.
Əraziyə cəlb olunan Fövqəladə Hallar Nazirliyinin texnikası və canlı qüvvəsi yanğının qarşısını alıblar.
İlkin məlumata əsasən, mağazanın qısaqapanma nəticəsində alovlanması ehtimal olunur. Hadisənin başvermə səbəbi araşdırılır.
