Göygöldə zəhərlənmə hadisəsi baş verib.
Report-un verdiyi məlumata əsasən, insident rayonun Balçılı kəndində qeydə alınıb.
İlkin məlumata görə, 4 uşaq və bir qadın (nənələri) başlarını mal-qaranın dezinfeksiyasında istifadə edilən "Niastol" adlı kimyəvi preparatla yuyublar. Bu da onların zəhərlənməsinə səbəb olub.
Bir uşaq hadisə yerində dünyasını dəyişib. Digərləri Gəncə şəhərində yerləşən xəstəxanalardan birinə yerləşdiriliblər. Onların vəziyyətinin ağır olduğu bildirilir.
Faktla bağlı araşdırma aparılır.
