Gəncədə polisin bıçaqlanması barədə məlumat yayılıb. Bu haqda 15 fevralda Apa-ya istinadən məlumat veririk.
Hadisə şəhərin Şərq küçəsində qeydə alınıb. 31 yaşlı Kamal Əliyev ayağından bıçaq xəsarəti ilə xəstəxanaya yerləşdirilib, dərhal yarası tikilib. Onun vəziyyətinin kafi olduğu bildirilir.
Məlum olub ki, Əliyev 2-ci Polis Bölməsinin əməkdaşıdır.
Hadisə ilə bağlı DİN-in Mətbuat Xidmətinin Gəncə regional qrupunun baş inspektoru Eşqin Qasımov redaksiyamıza açıqlama verib. Bildirilib ki, polis əməkdaşının bıçaqlanması ilə bağlı məlumatlar həqiqəti əks etdirmir, əsassızdır. O, yaşadığı evdə ehtiyatsızlıqdan yıxılıb və ayağından yüngül xəsarət alıb. Əliyevə ilkin tibbi yardım göstərildikdən sonra evə buraxılıb.
