Bu gün Gəncə-İstanbul reysi baş tutmayıb. Bu haqda yanvarın 25-i Kəpəz televiziyasına istinadən məlumat veririk.
Qrafik üzrə İstanbula uçuşlar hər həftənin çərşənbə axşamı saat 13:20-də və şənbə günü saat 11:15-də həyata keçirilir. Məlumata əsasən, şənbə gününə kimi hava şəraiti düzəlsə, planlaşdırılan reys baş tutacaq və bu günə uçuş bileti olanlar həmin reyslə yola salınacaq.
Qeyd edək ki, sözügedən uçuş istisna olmaqla dünən və bu gün üçün nəzərədə tutulan təyyarə reyslərinin hərəkətində çətinlik yaranmayıb.
