Gəncədə tarixi abidələrdən biri yararsız haldadır. Bu haqda Gencexeber.az-a 19 iyun tarixində məlumat daxil olub.
Söhbət Hüseyn Cavid küçəsində yerləşən məscid, mədrəsə, həm də kitabxana kimi fəaliyyət göstərən abidədən gedir.
Hazırda qədim tarixi olan abidənin təmirə ehtiyacı var. Tikilinin dam örtüyü dağılıb, divarları çatlayıb, döşəmə və qapı-pəncərəsi yararsız vəziyyətə düşüb. Şəhər sakinləri tarixi yerin bərpasını və yenidən fəaliyyət göstərməsini arzu edirlər.
Xatırladaq ki, bir müddət əvvəl burada “Nizami-Puşkin” adı altında olan kitabxananın tarixindən məlumat paylaşmışdıq.
[modula id="61312"]
