Gəncədə 3 nəfərə yanıq xəsarəti yetirilib. Bu haqda 29 iyun tarixində Apa-ya istinadən xəbər veririk.
29 iyun tarixində gecə saat 1 radələrində 29 yaşlı şəhər sakini Pərviz Kazımov münaqişə zəminində içərisində benzin olan plastik qabı yandıraraq 27 yaşlı həmyerlisi Muraz Namazovun üzərinə atıb. Nəticədə Muraz Namazov və onun tanışları: 31 yaşlı Eltəkin Zeynalov və 20 yaşlı Niyaməddin Kazımov müxtəlif yanıq xəsarətləri alıblar.
Həmin şəxslər xəstəxanaya yerləşdiriliblər. Polis əməkdaşları tərəfindən hadisəni törətməkdə şübhəli bilinən şəxs saxlanılaraq istintaqa təhvil verilib.
Araşdırmalar davam etdirilir.
