Gəncə sakini Bakıda oğurluq edib. Bu haqda 31 yanvar tarixində Daxili İşlər Nazirliyinin ictimaiyyətlə əlaqələr şöbəsinin rəisi məlumat paylaşıb.
Hadisə paytaxtın Nəsimi rayonu ərazisində yerləşən bazarda qeydə alınıb. Bir nəfər satıcı qadının əlindən 140 manat pul oğurlayaraq soyğunçuluq edib. Ərazidəki polis əməkdaşları həmin şəxsi saxlayıblar.
Araşdırmalar zamanı məlum olub ki, hadisəni törədən Gəncə şəhər sakini, əvvəllər məhkum olunmuş R.Mustafayevdir.
Faktla bağlı araşdırma aparılır.
