Bu gün Azərbaycan Basketbol Liqasının VI turunun A qrupunda növbəti qarşılaşma baş tutacaq.
İdman.biz xəbər verir ki, "Gəncə" komandası öz meydanında NTD ilə qarşılaşacaq.
Görüş Gəncə Olimpiya İdman Kompleksində saat 14:00-da başlayacaq.
Hazırda "Gəncə" qrup cədvəlində beşinci, NTD isə altıncı (sonuncu) pillədə qərarlaşıb. Hər iki komandanın aktivində beş xal var.
Qeyd edək ki, turun əvvəlki oyunlarında "Sumqayıt" "Lənkəran"ı 98:94, "Ordu" isə "Naxçıvan"ı 100:76 hesabı ilə məğlub edib. Tura noyabrın 9-da yekun vurulacaq.
