"Azərpoçt" MMC tərəfindən yeni "Extra" layihəsinə start verilib. Bu haqda Gencexeber.az 2 dekabr tarixində APA-ya istinadən məlumat verir.
Layihəyə əsasən Gəncədən Bakıya göndərilən bağlamalar və banderollar gün ərzində ən qısa zamanda Bakı Beynəlxalq Avtovağzal Kompleksindəki "Şəbəkə" xidmət mərkəzində (AZ1144) və PDM-in poçt göndərişlərinin çıxış məntəqəsində (AZ9502) alıcıya birbaşa təhvil verilir. Göndərişlər yalnız ünvançının təyin etdiyi məntəqədən götürülür.
Bu tip göndərişləri etmək üçün vətəndaşlar şəxsiyyət vəsiqəsi ilə istənilən poçt şöbəsinə yaxınlaşa bilərlər.
Qeyd edək ki, göndərişləri Bakı Beynəlxalq Avtovağzalındakı "Şəbəkə" xidmət mərkəzindən (AZ1144) şənbə və bazar daxil olmaqla həftənin bütün günləri, eləcə də bayram günləri saat 09:00-dan 21:00-dək, PDM-in poçt göndərişlərinin çıxış məntəqəsindən isə (AZ9502) sutkanın istənilən vaxtı əldə edə bilərlər.
