Goranboydan olan tanınmış uşaq nevroloqu vəfat edib.
Gencexeber.az xəbər verir ki, tibb alimi Zakir Mәmmәd oğlu Əliyev 80 yaşında dünyamızdan köçüb.
Qeyd edək ki, Zakir Mәmmәd oğlu Əliyev 1944-cu ildə indiki Goranboy rayonunun Dәlimәmmәdli şəhərində doğulub. O, 1960-1966-cı illərdə ATU-da pediatriya ixtisası alıb. Professor iş fəaliyyəti dövründə aşağıda sadalanan yerlərdə çalışıb:
- 1966-1968-ci illər – Elmi Tədqiqat İnstitutunda kiçik elmi işçi;
- 1969-1971 illər – ATU-nun Pediatriya fakültəsində sinir xəstəlikləri kursunun aspirantı;
- 1972 il – ATU-nun Pediatriya fakültəsində assistent;
- 1977-1989 illər – ATU-nun II Nevrologiya və Tibbi Genetika kafedrasında dosent;
- 1989-1992 illər – ATU-nun II Nevrologiya və Tibbi Genetika kafedrasında professor;
- 1992-2011 illər – ATU-nun II Nevrologiya və Tibbi Genetika kafedrasında kafedra müdiri;
- 2011-ci ildın bu günədək – ATU-nun II Nevrologiya və Tibbi Genetika kafedrasında professor.
Zakir Əliyev elmi fəaliyyətini əsasən uşaqlarda sinir sisteminin perinatal zәdәlәnmәlәrinin dinamikası vә müalicәsinә, neyroplastikliyin klinik variasiyalarına hәsr edib. Həkim “Uşaqlarda beyinin hipoksiyası” monoqrafiyası, “Uşaq sinir xəstəlikləri” dərsliyi, 2 metodik tövsiyyə və 80-dən çox elmi məqalənin müəllifidir.
Zakir Mәmmәd oğlu Əliyev adları aşağıda qeyd edilən qurumların üzvü olub:
- Nevroloqlar Beynəlxalq Federasiyası;
- Epilepsiya ilə Beynəlxalq Mübarizə Liqası;
- Azərbaycan Nevroloqlar Assosiasiyası;
- Azərbaycan Nevroloqlar Assosiasiyasının vitse-prezidenti.
