“Kəpəz FM” radiosunun 10 yaşı tamam olub. Bu haqda 6 fevral tarixində Report-a istinadən məlumat veririk.
Azərbaycanın ilk regional radiokanalı olan “Kəpəz FM” 5 fevral 2013-cü ildə Gəncədə 24 saatlıq yayıma başlayıb. Burada həftə ərzində "Gəl ey səhər", "Vaxt bizim, söz sizin", "Bu axşam" verilişləri yayımlanır. Həmçinin www.kepezfm.az saytında səs toplayaraq ən çox dinlənilən mahnılar Milli 20 və Top 20 hit-paradlarında yer alırlar.
Radioda gün ərzində beş dəfə dünya və ölkə gündəmində baş verən ən son xəbərlər “Kəpəz Xəbər”də çatdırılır. Kəpəz radiosu “Azərspace-1” peyki vasitəsilə Gəncə-Daşkəsən iqtisadi rayonunda 93.3, Qazax-Tovuz iqtisadi rayonunda isə 102.7 tezliklərində yayımlanır. Eyni zamanda radionun www.kepezfm.az saytı da dinləyicilərin ixtiyarındadır.
