Azərbaycan Dövlət Aqrar Universitetində (ADAU) ümummilli lider Heydər Əliyevin anadan olmasının 100-cü ildönümünə həsr olunmuş elmi-praktik konfrans keçiriləcək. Bu haqda universitetin rəsmi saytında məlumat paylaşılıb.
“Qeyri-neft sektoru və qlobal ərzaq təhlükəsizliyi problemləri” mövzusunu əhatə edəcək konfrans 19 və 20 aprel tarixlərində baş tutacaq. Burada bir sıra xarici ölkələrin, o cümlədən respublikamızın ali təhsil müəssisələri, elmi-tədqiqat institutları və qeyri-hökümət təşkilatlarının nümayəndələrinin iştirakı nəzərdə tutulur.
Tədbirin əsas məqsədi dünyada, o cümlədən ölkəmizdə yüksəkixtisaslı aqrar mütəxəssislərə real tələbatı nəzərə alaraq, aqrar sahənin əmək bazarını rəqabət qabiliyyətli, innovasiyalı təhsil proqramı əsasında elmi tədqiqatların təhsil prosesi ilə inteqrasiyasını həyata keçirmək üçün tövsiyələr verməkdir.
