Xəbər verdiyimiz kimi Gəncədə 17 yaşlı piyada yol qəzasında ölüb.
Apa.аz bildirir ki, hadisənin bəzi təfərrüatları məlum olub.
Məlumata görə, hadisədən əvvəl 2008-ci il təvəllüdlü Əziz Qurbanov "VAZ-2107"nin sürücüsü, Gəncə şəhər sakini 1997-ci il təvəllüdlü Vəli Fərzəliyevlə (ad şərtidir) mübahisə edib.
Mübahisədən sonra Əziz Vəlinin ayağına bıçaqla, daha sonra isə başına daşla xəsarət yetirib.
Ə.Qurbanov hadisə yerindən uzaqlaşsa da, V.Fərzəliyev "VAZ-2107" ilə onu qəsdən vurub.
Ağır xəsarət alan Əziz xəstəxanaya aparılıb. Müayinə zamanı onun öldüyü məlum olub.
Məlumata görə, 17 yaşlı Əziz Qurbanov hadisə baş verən gün V.Fərzəliyevin avtomobilini qaçırıbmış.
Əzizin atasının Gəncə şəhərində kriminal aləmlə əlaqəsinin olduğu bildirilir.
Hadisədən sonra "VAZ-2107"nin sürücüsü polisə təslim olub.
Faktla bağlı Gəncə şəhər prokurorluğunda araşdırma aparılır.
