Gəncədə qanunsuz heyvan kəsimi fəaliyyətinin qarşısının alınması istiqamətində nəzarət tədbirləri davam etdirilir. Bu haqda 27 yanvar tarixində AQTA-ya istinadən xəbər veririk.
R.Qasımov küçəsi, ev 93 ünvanında fəaliyyət göstərən, fiziki şəxs Qocayev Yavər Fəxrəddin oğluna məxsus ət satışı mağazasında agentliyin əməkdaşları tərəfindən planlı yoxlama keçirilib. Yoxlama zamanı bəlli olub ki, ət satışı mağazasında qida təhlükəsizliyi sahəsində texniki-normativ-hüquqi aktların tələbləri pozulub, baytarlıq (baytarlıq-sanitariya) ekspertizasından keçirilməyən, üzərində möhürü olmayan ət məhsullarının satışı həyata keçirilib, mütəmadi olaraq təmizlik işləri aparılmayıb, işçi sanitar geyim qaydalarına riayət etməyib və tibbi müayinədən keçməyib.
Faktla bağlı sahibkar barəsində inzibati protokol tərtib edilib.
