Gəncədə iki ticarət obyektində nöqsanlar aşkarlanıb. Bu haqda 13 yanvar tarixində Azərbaycan Respublikasının Qida Təhlükəsizliyi Agentliyinə istinadən məlumat veririk.
Agentliyin əməkdaşları şəhər ərazisində fəaliyyət göstərən ictimai iaşə obyektlərində reyd keçiriblər. Nəticədə Gəncə şəhəri, Ə.Mehmandarov küçəsində yerləşən Allahyarov Rayyət Ələsgər oğluna məxsus İran məhsullarının satışı mağazasında qida təhlükəsizliyi qeydiyyatına dair çıxarışın olmadığı və Azərbaycan dilində markalanması olmayan məhsulların satıldığı aşkar olunub.
Həmçinin Gəncə şəhəri, Təbriz küçəsində Əliyev Şəmil Mahir oğluna məxsus İran məhsullarının satışı mağazasında qida təhlükəsizliyi qeydiyyatına dair çıxarışın olmadığı, obliqat qrupuna daxil olan işçilərin ilkin və dövri tibbi müayinədən keçmədiyi və Azərbaycan dilində markalanması olmayan məhsulların satıldığı məlum olub.
Faktlarla bağlı protokol tərtib edilib. Obyekt sahibləri inzibati qaydada cərimələniblər.
