Türkiyədə həlak olan tələbəmiz bu gecə Vətənə çatdırılıb. Bu haqda 16 fevral tarixində Apa-ya istinadən məlumat veririk.
Malatya şəhərində baş verən zəlzələ zamanı dünyasını dəyişən Şahin Vəliyevin cənazəsi Gəncə şəhərinin Cavad Xan (Avtozavod) qəsəbəsinə gətirilib. Onunla yaşadığı evdə vida mərasimi keçiriləcək. 21 yaşlı tələbənin günorta saatlarında dəfn ediləcəyi gözlənilir.
Qeyd edək ki, o, İnönü Universitetində İdman menecerliyi ixtisasında oxuyub. Tələbəmizin dağıntılar altından çıxarılan meyitinin şəxsiyyətini dayısı təsdiq edib.
