Gəncədə ali təhsil alan şəxs uğur qazanıb. Bu haqda 17 iyul tarixində ADAU-ya istinadən məlumat veririk.
Bir neçə gün öncə Prezident İlham Əliyevin Sərəncamı ilə Orxan Abbasov Daşkəsən Rayon İcra Hakimiyyətinin başçısı təyin edilib. O, 2005-ci ildə 638 balla Azərbaycan Dövlət Aqrar Universitetinə qəbul olub. 2009-cu ildə ADAU-nu fərqlənmə diplomu ilə bitirib. Həmin ildə universitetin magistratura pilləsinə qəbul olub. Daha sonra ABŞ-nin Qərbi Miçiqan Universitetində təhsil alıb.
Abbasov Azərbaycan Respublikası Elm və Təhsil Nazirliyində müxtəlif vəzifələrdə fəaliyyət göstərib. Qeyd edək ki, təyinatadək o, Məktəbəqədər və Ümumi Təhsil üzrə Dövlət Agentliyinin direktor müavini olub.
