Gəncədə universitet nümayəndələri Rumıniyaya səfər ediblər. Bu haqda 1 avqust tarixində ADAU-ya istinadən xəbər veririk.
Azərbaycan Dövlət Aqrar Universitetinin Tədris şöbəsinin müdiri Elay Zeynallı, Elm şöbəsinin müdiri Elçin Nəsirov və Keyfiyyət Təminatı və Strateji İnkişaf şöbəsinin müdiri Mehman Kərimov Rumıniyanın Timişora şəhərində yerləşən "King Mihai I" Həyat Elmləri Universitetində ezamiyyədə olublar. Səfər Erasmus+ proqramı çərçivəsində baş tutub.
Qonaqlar təhsil müəssisəsinin keyfiyyət təminatı sistemi, kitabxanası, laboratoriyaları və aparılan elmi-tədqiqat işləri ilə tanış olublar.
Daha sonra Çilinin Universidad Catolica Del Maule universiteti ilə əməkdaşlıq memorandumu imzalanıb. Həmçinin Bosniya və Herseqovina, Rumıniya və İndoneziyanın universitetləri ilə əməkdaşlıq sazişi imzalanması üçün razılıq əldə olunub.
