Şəmkirdə yeni tədris ilinə yenilənmiş məktəblə start verilib.
Gencexeber.az məlumat verir ki, Şəmkir şəhərində Əhməd Cavad adına tam orta ümumtəhsil məktəbində Bilik Günü və təhsil müəssisəsinin 522 şagird yerlik yeni korpusunun istifadəyə verilməsi münasibətilə tədbir keçirilib.
Tədbirdə Təhsildə Keyfiyyət Təminatı Agentliyinin İdarə Heyətinin sədri Tural Əhmədov, Şəmkir Rayon İcra Hakimiyyətinin başçısı Rəşad Tağıyev, Qazax-Tovuz Regional Təhsil İdarəsinin müdiri Vüqar Dadaşov, şəhid valideynləri, məktəbin müəllim və şagird kollektivi, eləcə də valideynlər iştirak ediblər.
Adıçəkilən məktəbdə yeni tədris ilində 1200 şagird təhsil alacaq. Onlardan 102-si bu il birinci sinfə qədəm qoyub.
1965-ci ildən fəaliyyət göstərən məktəbin 624 şagird yerlik korpusu yenidənqurma və əsaslı təmir işlərindən sonra 2025-ci ildə istifadəyə verilib. İndi isə 522 şagird yerlik, üçmərtəbəli yeni korpus da məktəblilərin istifadəsinə təqdim olunub.
