Gəncədə Türkiyə üçün yardım yola salınıb. Bu haqda 11 fevral tarixində İcra Hakimiyyətinə istinadən məlumat veririk.
Ötən gün ümumi çəkisi 150 tona yaxın olmaqla 7 yük maşınından ibarət humanitar yardım Türkiyəyə yola düşüb. Yolasalma mərasimində Türkiyənin Gəncədəki Baş konsulu Recep Öztop, icra başçısının birinci müavini Səməd Tomuyev, icra hakimiyyəti başçısı Aparatının məsul əməkdaşları və şəhər ictimaiyyəti iştirak ediblər.
Göndərilən ləvazimatlar, əsasən, isti geyimlər, istilik vasitələri, yorğanlar, adyallar, uşaq bezləri, uşaq yeməkləri, qablaşdırılmış qidalar və digər zəruri əşyalar olub.
Xatırladaq ki, yardım aksiyası davam edir. Növbəti yardım karvanının bu gün yola salınması nəzərdə tutulub.
