Gəncənin mərkəzində yolun bir hissəsi çöküb və maşınların hərəkətinə maneə törədir. Bu haqda Gencexeber.az-a 14 dekabr tarixində məlumat daxil olub.
Şəhərin Atatürk prospektində (Osmanlı kafesinin yanı) yolun hərəkət hissəsi çökərək tamet daşlarının sırasını pozub. Hadisə iki gün öncə baş verib.
Aidiyyəti qurumun əməkdaşları bu gün daşları kənara toplayıblar. Əldə etdiyimiz məlumata əsasən, yaxın zamanda yolun təmirinə başlanılacaq.
Daha öncə, Atatürk prospekti ilə Mirzə Abbas Abbaszadə küçəsinin kəsişməsində aparılan işlər haqda məlumat vermişdik.
