Gəncənin İsaq Cəfərov küçəsində yerləşən beşmərtəbəli yaşayış binasında dünən baş verən partlayış zamanı həyatını itirən 2 nəfərdən biri 44 yaşlı Könül Xudaverdiyeva olub.
Bakupost.аz mərhumun fotosunu dərc edib. Həmçinin bildirilir ki, Könül Xudaverdiyeva Abbas Səhhət adına xəstəxanada tibb bacısı işləyib.
Qeyd edək ki, hadisə zamanı ölən digər şəxs 62 yaşlı Mehriban Paşayeva olub. Daha üç nəfər - 33 yaşlı Bəxtiyar Orucov, 25 yaşlı Firuzə Yusibova və 20 yaşlı Nuranə Əliyeva isə xəsarət alaraq xəstəxanaya hospitalizasiya olunublar. Tibb ocağına verilən məlumata əsasən, kişinin vəziyyəti yaxşı olduğu üçün o, evə buraxılıb. Qadınların müayinə və müalicəsi isə davam etdirilir.
