Gəncə Gənclər Evində Kitabla terapiya üsulunu populyarlaşdırmaq məqsədilə tədbir baş tutub. Bu haqda 20 iyul tarixində Gənclər Evinə istinadən xəbər veririk.
“BiblioDrama: Oxu! Düşün! Həyatını dəyiş!” layihəsi çərçivəsində qrup terapiyası olub. Terapiya psixoloq Kamil Həmidovun moderatorluğu və Gəncə Gənclər Evinin psixoloqu Günəş Seyfullahzadənin təşkilatçılığı ilə keçirilib.
Tədbirdə iştirak edənlər müxtəlif qrup üsulları ilə tanış olublar və komanda işi həyata keçiriblər. Sonda gənclərə sertifikatlar təqdim olunub.
