Gəncədə avtomobil qəzası baş verib. Bu haqda Gencexeber.az-a 13 iyul tarixində məlumat daxil olub.
Hadisə şəhərin “Yeni Şəmkir avtovağzalı” adlanan ərazisində qeydə alınıb. “BMW” markalı avtomobilin sürücüsü maşını arxaya verərkən “Opel” ilə toqquşub. Nəticədə avtomobillər yararsız hala düşüb.
Qəza zamanı xəsarət alanlar barədə hələlik məlumat yoxdur. Hadisə yerinə polis əməkdaşları cəlb olunublar.
Xatırladaq ki, bir müddət öncə həmin ərazidə sakinləri narahat edən problem barədə məlumat vermişdik. Sürücülər bildirirlər ki, Məhsəti (Sevinc) qəsəbəsinin çıxışından əks-istiqamətə keçmək üçün Hava Limanı tərəfdən dönmə əməliyyatını icra etməli olurlar.
Məsafə uzun olduğundan əksər sürücülər maşını arxaya verərək sürürlər. Bu səbəbdən ərazidə çox sayda yol-nəqliyyat hadisələri baş verir.
