Gəncədə tamaşa nümayiş olunacaq. Bu haqda 10 iyul tarixində Dram Teatrına istinadən məlumat veririk.
Gürcü dramaturqu Akvasenti Saqarelinin “Xanuma” pyesi əsasında hazırlanmış eyniadlı tamaşa 11 iyul saat 18:00-da Gəncə Dövlət Dram Teatrında təqdim ediləcək. Quruluşçu rejissoru Mikayıl Mikayılov, quruluşçu rəssamı isə Mustafa Mustafayevdir.
Əsas rolları Xalq artisti Pərvanə Qurbanova, əməkdar artistlər Elxan Yunis, Novruz Cəfərov, Ramiz Vəliyev, Sevda Orucova, İlham Hüseynov, Kəmalə Məmmədova, aktyorlar Ruslan Hüseynov, Nailə Əhmədova, Zeynəb Hüseynova, Emil Salmanov, Elmir Məmmədov, Rauf Hüseynov, Məhəmməd Musayev ifa edəcəklər.
