Gəncədə xüsusi qayğıya ehtiyacı olan uşaqların çıxışları baş tutacaq. Bu haqda Gencexeber.az-a 27 may tarixində məlumat daxil olub.
Tədbirdə UAFA Gəncə İcma əsaslı Reabilitasiya Mərkəzində Bakcell şirkətinin layihəsindən yararlanan uşaqlar çıxış edəcəklər. Burada USİ, əqli gerilik, Daun sindromlu, hiperaktiv, eşitmə, nitq və davranış problemli uşaqlar mahnı və şeir səsləndirəcək, idman hərəkətləri göstərəcəklər. Bundan başqa, “Xudayar təsnifi” adlı tamaşa nümayiş etdiriləcək.
Proqram 29 may tarixində saat 12:00-da Gəncə Mall-un I mərtəbəsində təşkil olunacaq. Tədbirə şəhərimizin sakinləri və qonaqları dəvət edilirlər. Hər kəs qatılaraq uşaqlara dəstək ola bilər.
