Gəncədə musiqi üzrə master-klas baş tutub. Bu haqda 7 iyul tarixində Maarif Evinə istinadən məlumat veririk.
Tədbir Maarif Evində baş tutub. Ustad dərsinə Azərbaycan Milli Konservatoriyasının tələbəsi, Respublika və Beynəlxalq müsabiqələr laureatı, opera - vokal ifaçısı Altun Süleymanov rəhbərlik edib.
Burada vokal ifaçılığı tarixindən, üslub xüsusiyyətlərindən, oxuma tərzindən və vokal ifaçılığında ola bilən ümumi problemlərdən danışılıb. Daha sonra Süleymanov iştirakçılarla fərdi şəkildə məşğul olub. Gənclərə düzgün nəfəs texnikası, səhnə duruşu, frazaların düzgün bölünməsi, kantilena oxuma, mətnə fikir vermək, artikulyasiya problemlərinin aradan qaldırılması və səsin düzgün yönləndirilməsi izah edilib.
Sonda iştirakçılar sertifikatla təltif olunublar.
