Gəncədə 20 Yanvar faciəsinə həsr olunmuş növbəti tədbir keçirilib. Bu haqda 19 yanvar tarixində İcra Hakimiyyətinə istinadən məlumat veririk.
"20 Yanvar hadisələri və Heydər Əliyevin cəsarətli bəyanatı” adlı tədbir Azərbaycan Texnologiya Universitetində təşkil olunub. Universitet rəhbərliyi və kollektivi 20 Yanvar abidəsini ziyarət ediblər. 20 yanvar şəhidlərinin ruhuna dualar oxunub, abidə önünə gül dəstələri düzülüb.
UTECA-nın rektor əvəzi, dos. Yaşar Ömərov açılış nitqi ilə çıxış edib. İcra Hakimiyyəti başçısının müavini Adil Tağıyev tədbir iştirakçılarını icra başçısı Niyazi Bayramovun adından salamlayıb.
Tədbirdə 20 yanvar faciəsinə həsr olunmuş videoçarx nümayiş etdirilib, tələbələrin ifasında şeirlər səsləndirilib.
