Gəncə Dövlət Universitetində “COP29 İqlim dəyişkənliyi ilə mübarizə” mövzusunda tədbir baş tutub. Bu haqda 9 iyul tarixində Azərtac-a istinadən xəbər veririk.
Tədbirdə Azərbaycanda 2024-cü ilin “Yaşıl dünya naminə həmrəylik ili” elan edilməsindən və Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29-un əhəmiyyətindən ətraflı bəhs edilib. Burada çıxış edənlər qlobal iqlim dəyişikliklərinin ölkələrin iqtisadiyyatına, ətraf mühitə, eləcə də qlobal qida təhlükəsizliyinə, regional təhlükəsizlik sistemlərinə mənfi təsirlərindən, həmçinin alternativ enerji mənbələrindən səmərəli istifadənin vacibliyindən söz açıblar.
