Türkiyə Respublikasının Gəncədəki Baş konsulluğunun təşkilatçılığı ilə tədbir keçirilib. Bu haqda 15 iyul tarixində İcra Hakimiyyətinə istinadən xəbər veririk.
15 İyul – Türkiyənin Demokratiya və Milli Birlik Günü ilə əlaqədar olaraq tədbir baş tutub. Burada Türkiyənin Gəncədəki Baş konsulu Recep Öztop bu günün tarixi önəmindən danışıb. O bildirib ki, 2016-cı il iyulun 15-də Türkiyə xain çevriliş cəhdi ilə üzləşdi. Bununla belə, xalq bu vəziyyətə biganə qalmadı, ölkə prezidenti Rəcəp Tayyib Ərdoğanın çağırışı ilə minlərlə vətəndaş dövlət çevrilişinə cəhdin qarşısını almaq üçün şəhər meydanlarına və küçələrinə çıxdı, vətənini, dövlətini və demokratiyanı müdafiə etdi.
Tədbirin davamı olaraq, Gəncənin Ekoloji Park Kompleksinin ərazisində şəhidlərin xatirəsinə ağac əkilib.
