Təhsil müəssisələrindən biri olan Səhiyyə Nazirliyinin Gəncə Tibb Kollecində məzun günü keçirilib. Bu haqda 3 iyul tarixində Gəncə Tibb Kollecinə istinadən xəbər veririk.
Tədbirdə həkim-müəllimlər çıxış ediblər. Sonra 3 il müddətində təhsildə və kollecin ictimai həyatında fərqlənən məzunlara fəxri diplomlar təqdim olunub.
Məzun günü yekunlaşdıqdan sonra ilk dəfə olaraq, əmək yarmarkası təşkil olunub. Kolleci bitirən məzunlar iş təklif edən tibb müəssisələrinin əməkdaşları ilə birbaşa ünsiyyətdə olaraq, vakansiyalarla maraqlanıb, öz məlumatlarını onlarla bölüşüblər. Tədbirin sonunda kollecin tələbələrinin ifasında musiqi nömrələri təqdim olunub.
