Gəncədən olan iş adamı Nyu-Yorkla bağlı xatirəsini bölüşüb.
“Gəncə İş Adamları” İctimai Birliyinin sədri Zəfər Məmmədov şəxsi sosial şəbəkə hesabında 2013-cü ildə Nyu-Yorka səfəri zamanı baş verən yaddaqalan hadisədən bəhs edən maraqlı paylaşım edib.
İş adamının sözlərinə görə, Tayms meydanında gəzərkən Azadlıq heykəlinin kostyumu geyinmiş və əlində ABŞ bayrağı olan animator görüb. Həmin an onda bu məşhur meydanda Vətəninin bayrağının necə dalğalanacağını izləmək arzusu yarandı. Zəfəroğlu 20 dollar təklif edərək həmin şəxsdən Azərbaycan bayrağını tutmasını istəyib. Kişi məmnuniyyətlə razılaşıb və bu təsirli səhnə fotoda əks olunub.
Zəfər Məmmədov qeyd edib ki, sözügedən hadisə onun həyatının ən parlaq və unudulmaz anlarından birinə çevrilib. O, Nyu-Yorkun siması və ABŞ-nin ən böyük şəhərlərindən biri olan “Times Square”in onda dərin təəssürat yaratdığını vurğulayıb.
Xatırladaq ki, daha öncə “Türk Dünyasında İlin İş Adamı” adına layiq görülmüş Zəfər Məmmədov haqda məlumat vermişdik.
