Türkiyənin Gəncədəki Baş konsulluğu tərəfindən kulinariya tədbiri keçirilib. Bu haqda 31 may tarixində Gənclər və İdman Baş İdarəsinə istinadən məlumat veririk.
Hatayın zəngin qastronomiya mədəniyyəti səbəbi ilə və Türkiyədə zəlzələ baş vermiş bölgələrlə yaxından tanışlıq məqsədilə Türk mətbəxi həftəsi tədbiri baş tutub. Burada Gəncə Şəhər İcra Hakimiyyətinin başçısı Niyazi Bayramov, Gəncə Şəhər Gənclər və İdman Baş İdarəsinin rəisi Həmid Nəsirov, Türkiyənin Gəncədəki Baş konsulu Recep Öztop, Şəmkir Rayon İcra Hakimiyyətinin başçısı Rəşad Məmmədov, Naftalan Şəhər İcra Hakimiyyətinin başçısı Vüqar Novruzov, Göygöl Rayon İcra Hakimiyyətinin başçısı Elvin Paşayev, Samux Rayon İcra Hakimiyyətinin başçısı Alı Qocayev, Milli Məclisin Deputatı Müşfiq Cəfərov, icra başçılarının müavinləri, aidiyyəti idarə, təşkilat və müəssisələrin rəhbərlərinin, incəsənət, qastronomiya, turizm, mehmanxana idarəçiliyi və media aləminin nümayəndələri iştirak ediblər.
Tədbirdə Türkiyənin kulinariya mədəniyyətindən söz açan Baş Konsul Recep Öztop təmsil etdiyi ölkənin turizm potensialı barədə geniş məlumat verib və gələcəkdə qardaş ölkələr arasında turizmin müxtəlif seqmentləri üzrə Gəncəbasar bölgəsində tanıtım işlərinin aparılmasında maraqlı olduğunu ifadə edib.
