Gəncədə mükafatlandırma mərasimi keçirilib. Bu haqda 27 may tarixində Gənclər və İdman Baş idarəsinə istinadən məlumat veririk.
"Heydər Əliyev İli"nə həsr olunmuş Tələbə-Sağlamlıq Spartakiadasının qalibləri ilə görüş keçirilib. Tədbirdə Gənclər və İdman Baş İdarəsinin rəisi Həmid Nəsirov Spartakiadada uğurlu nəticə əldə edərək qələbə qazanan idmançıları təbrik edib. Sonda qaliblər Baş İdarə tərəfindən kuboklar, fəxri fərmanlar və təşəkkürnamələrlə təltif olunublar.
Qeyd edək ki, yarışda ümumilikdə 3 universitetin, 3 kollecin, 6 peşə məktəbinin tələbələri mübarizə aparıblar. Universitetlər arasında Gəncə Dövlət Universiteti, kolleclər arasında Gəncə Regional Kolleci, peşə məktəbləri və liseylər arasında keçirilən yarışlarda isə Ticarət və Xidmət üzrə Gəncə Dövlət Peşə Təhsil Mərkəzinin 3 nömrəli Peşə liseyi 1-ci yerə layiq görülüb.
