Gəncədə təmizlik aksiyası baş tutub. Bu haqda 6 iyul tarixində MKTİB-yə istinadən məlumat veririk.
İməcilik şəhərin Sadıllı qəsəbəsinin Mehdi Hüseynzadə, Ömər Faiq, Xaqani küçələrində və bir neçə digər ərazilərində keçirilib. Burada Mənzil Kommunal Təsərrüfatı İstehsalat Birliyinin canlı qüvvə və xüsusi texnikaları çalışıb.
Sözügedən ərazilərdə yol kənarlarına atılan müxtəlif məişət tullantıları yığılaraq ərazidən daşınıb. Küçə və döngələr təmizlənib, alaq otları biçilib, mövcud zibil qutularının ətrafında səliqə-sahman yaradılıb. Həmçinin Sadıllı qəsəbəsindən keçən su arxında daşma təhülkəsini önləmək məqsədilə suyun axınına maneə olan tullantılar yığılaraq ərazidən daşınıb.
