Gəncədə təmizlik aksiyası baş tutub. Bu haqda 18 iyul tarixində MKTİB-yə istinadən məlumat veririk.
İməcilik Şəhidlər xiyabanında həyata keçirilib. Buraya Mənzil Kommunal Təsərrüfatı İstehsalat Birliyinin canlı qüvvəsi və texnikası cəlb olunub. Aksiya zamanı xiyabanda və 1 saylı şəhər qəbiristanlığının ərazisində məzarların ətrafı alaq otlarından təmizlənib, daş, torpaq və məişət qalıqları yığılaraq ərazidən daşınıb. Həmçinin məişət tullantıları konteynerləri boşaldılıb, ətrafında səliqə-sahman yaradılıb.
Təmizlik aksiyası zamanı məzarlıq ərazisində olan ağac və gül kollarına da aqrotexniki qulluq göstərilib və bitkilər suvarılıb.
