Gəncədə dəfn olunan şəhid Əli Elşən oğlu Nağıyevin qırx mərasimi keçirilib. Bu haqda 19 iyul tarixində İcra Hakimiyyətinə istinadən xəbər veririk.
Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin əsgəri Əli Elşən oğlu Nağıyevin vəfatından 40 gün ötür. Bununla əlaqədar olaraq, şəhidin anım mərasimi keçirilib. Şəhid Nağıyev Əli Elşən oğlunun Şəhidlər xiyabanındakı məzarı ziyarət olunub, üzərinə tər çiçəklər düzülüb, ruhuna dualar oxunub.
Xatırladaq ki, cari il iyunun 9-da DSX-nin Sərhəd Qoşunlarının “Lənkəran” sərhəd dəstəsinin xidməti ərazisində mayor Baxışlı Baxış Elşən oğlu və əsgər Nağıyev Əli Elşən oğlu dövlət sərhədinin mühafizəsi üzrə xidməti vəzifələrini icra edərkən ildırım vurması nəticəsində həlak olublar. Şəhid Əli Elşən oğlu Nağıyev cari ilin 10 iyun tarixində Gəncənin Şəhidlər xiyabanında torpağa tapşırılıb.
