Gəncədə vətəndaş qəbulu baş tutub. Bu haqda 20 iyul tarixində İcra Hakimiyyətinə istinadən məlumat veririk.
İcra başçısı Niyazi Bayramov növbəti dəfə səyyar görüş keçirib. Burada YAP Gəncə Şəhər Təşkilatının sədri Bayram Aslanov, İcra Hakimiyyəti başçısı Aparatının məsul əməkdaşları, idarə, müəssisə və təşkilat rəhbərləri iştirak ediblər.
Görüş Azərbaycan Texnologiya Universitetində təşkil olunub. Tədbirdə sakinlərin müraciətləri tək-tək dinlənilib. Onların arasında işlə təminat, mənzil növbəliliyi, maddi yardımın göstərilməsi və digər məsələlər üstünlük təşkil edib.
Şəhər rəhbərliyi sakinlərin problemlərinin qısa zamanda həlli istiqamətində aidiyyəti üzrə tapşırıqlar verib.
