Xankəndidə yaradılan Qarabağ Universitetinin rektoru Şahin Bayramov Gəncədə şagird, valideyn və təhsil işçiləri ilə görüşüb. Bu haqda 11 iyul tarixində Report-a istinadən xəbər veririk.
Regional Təhsil İdarəsində təşkil olunan görüşdə çıxış edən Şahin Bayramov Qarabağ Universiteti haqqında məlumat verib, orada yaradılmış şəraitlə bağlı danışıb.
Rektor çıxışında abituriyentləri və şagirdləri Qarabağ Universitetində təhsil almağa dəvət edib. Həmçinin abituriyentləri və valideynləri maraqlandıran məsələlərə aydınlıq gətirib, ona ünvanlanan çoxsaylı sualları cavablandırıb.
