Gəncə Dövlət Universitetində toplantı keçirilib. Bu haqda 5 iyul tarixində GDU-ya istinadən xəbər veririk.
Tədbir “Qərbi azərbaycanlıların kütləvi deportasiyası” mövzusunda baş tutub. Burada Qərbi Azərbaycanla bağlı videoçarx nümayiş olunub. Daha sonra universitet əməkdaşları – tarix üzrə fəlsəfə doktoru Fəxrəddin Usenov “Qərbi Azərbaycan tarixi: Xronoloji baxış”, filologiya üzrə fəlsəfə doktoru Səba Namazova “Qərbi Azərbaycana qayıdış festival-konqresi və milli qürurumuz”, tarix üzrə fəlsəfə doktoru İlham Məmmədov “Əsrin əvvəllərində Qərbi Azərbaycan torpaqlarının işğalı”, pedaqogika üzrə fəlsəfə doktoru Samirə Quliyeva “Qərbi Azərbaycan bütöv Azərbaycanın bir hissəsidir”, filologiya üzrə fəlsəfə doktoru Aytən Əhmədova “Əli Vəliyevin əsərlərində Zəngəzur toponimləri”, pedaqogika üzrə fəlsəfə doktoru Sabirə Bayramova “Azərbaycanlıların Ermənistandan deportasiyası” adlı məruzələrlə çıxış ediblər.
