Gəncədə inklüziv peşə kursları fəaliyyət göstərir. Bu haqda 23 yanvar tarixində Kəpəz televiziyasına istinadən məlumat veririk.
Şəhərimizdə ilk dəfə olaraq, peşə məktəbində inklüziv siniflər yaradılıb. Fiziki məhdudiyyətli şəxslər burada peşə təhsili kurslarına cəlb edilib, dərzilik və kompüter operatoru ixtisasları üzrə dərslərdə iştirak edirlər.
Kurslar iki aylıqdır. Hər iki kursda həftədə 3 dəfə olmaqla istehsalat və nəzəri dərslər keçirilir. Tam ödənişsiz olan məşğələləri bitirənlərə sertifikatlar veriləcək.
Müraciətdən asılı olaraq, kurslar davamlı olacaq və gələcəkdə digər ixtisasların da açılması nəzərdə tutulur.
