Gəncə Dövlət Tarix- Mədəniyyət Qoruğunun təşkilatçılığı ilə tədbir keçirilib. Bu haqda 12 iyul tarixində Tarix Mədəniyyət Qoruğuna istinadən xəbər veririk.
“Gəncə Dövlət Tarix - Mədəniyyət Qoruğunun təbliği və təşviqi” mövzusunda tədbir təşkil olunub. Nizami Gəncəvi Muzeyində olan tədbirdə şəhidlərimizin əziz xatirəsi bir dəqiqəlik sükutla yad edilb.
Daha sonra Gəncə Dövlət Tarix-Mədəniyyət Qoruğunun elmi işçiləri Aynur Həsənova, Nailə Abbasova, Vəfa Əliyeva, Qoruğun ekskursiyaçıları Hüsniyyə Rəhimova, Günel Vəliyeva tərəfindən mövzu ilə bağlı çıxışlar edilib və slaydlar təqdim olunub.
Tədbirdə, həmçinin Azərbaycan Respublikası Mədəniyyət Nazirliyi yanında Mədəni İrsin Qorunması İnkişafı və Bərpası üzrə Dövlət Xidməti Gəncə Regional Mədəniyyət İdarəsinin əməkdaşları, “Nur ocağı”, “ Aşıq Pəri Məclisi”nin üzvləri də iştirak ediblər.
