Gəncədə Qarabağ qazisi ilə görüş baş tutub. Bu haqda 13 iyul tarixində İcra Hakimiyyətinə istinadən məlumat veririk.
Niyazi Bayramov I qrup Qarabağ əlili Zaur İmran oğlu Qədimov ilə görüşüb. Şəhər rəhbərliyi qazini narahat edən məsələlərlə maraqlanıb. Zaur Qədimov səhhətində yaranan problemlə əlaqədar müalicə almaq istədiyini bildirərək, köməklik göstərilməsini xahiş edib.
Onun müraciətini dinləyən icra başçısı, müharibə əlilinin müayinə və müalicəsinin həyata keçirilməsi, ehtiyac yarandığı təqdirdə Bakı şəhərindəki səhiyyə müəssisələrinə göndərişin verilməsinin təmin olunması ilə bağlı müvafiq tapşırıq verib.
