Gəncədə tədbir baş tutub. Bu haqda 18 iyul tarixində MSK-ya istinadən məlumat veririk.
Regional seminar seçki hüququ ilə bağlı müraciətlərə baxılmasına həsr olunub. Tədbir 1 sentyabr tarixinə təyin edilmiş Milli Məclisə növbədənkənar seçkilərlə əlaqədar keçirilib. Burada Mərkəzi Seçki Komissiyasının (MSK) üzvləri Fuad Cavadov və İlkin Şahbazov çıxış ediblər.
Görüş zamanı iştirakçılar mövzu ilə bağlı təqdimatlar vasitəsilə məlumatlandırılıblar. Çıxışlardan sonra seminar seçki qanunvericiliyi, müraciət və şikayətlər, o cümlədən ekspert fəaliyyəti ilə bağlı fərqli kazuslar üzrə praktik məşğələlərlə işini davam etdirib və iştirakçılar üçün sınaq testi keçirilib. Tədbir zamanı dairə seçki komissiyalarının ekspert qrupu üzvlərinə MSK tərəfindən hazırlanan və onlara yardımçı olacaq yaddaş kitabçası da paylanılıb.
Tədbirin sonunda mövzular ətrafında müzakirələr aparılıb və dairə seçki komissiyalarının ekspertlərini maraqlandıran suallar cavablandırılıb.
